Shtegu i Gashit është një rrugë e vjetër historike që ka shërbyer si lidhje mes fshatrave veriore të Drenicës dhe qytetit të Mitrovicës, si dhe fshatrave të Shalës së Bajgorës. Emërtimi "Shtegu i Gashit" vjen nga fakti se shumica e fshatrave që e përdornin këtë rrugë i përkisnin fisit Gash.

Ky shteg fillon nga Restoranti “Te Baca Adem” dhe përfundon në fshatin Kotorr. Kotori është një fshat malor i shpërndarë, ku banorët kryesisht merren me blegtori. Fshati Kotorr është i pajisur me një shkollë dhe është i lidhur me rrugë automobilistike, gjë që lehtëson qasjen dhe komunikimin e banorëve të tij me zonat përreth.

Shtegu i Gashit ka një rëndësi të veçantë historike dhe kulturore, duke qenë një simbol i lidhjes dhe bashkëpunimit mes komuniteteve të ndryshme të zonës.